شـيٍ بـقـلـبـي يامـلا حـايــرٍ فـيـه
شـيٍ تحيـر بـه العـقـول الفـهـامي
مـخـفـيـه بفـوادي ولاودي ابـديــه
وادور الخيـرات شـرقٍ وشــامـي
احتـرت بـه ماشفت شـيٍ يحاليـه
واليـوم ابـا انشد عنه مانيب كامي
سيـلٍ حــدر مع واديٍ غيـر واديه
مـدري حـلالٍ مـاه والا حــرامـي
كانه حـلال وجايـزٍ شرب صافيـه
وش حللّـه يـامفسريـن الـحـلامـي
هـاتــوا تفـاصيـلـه وهـاتـوا معانيه
نـبـي الـدليـل اللي عليه الكـلامـي
نـبـي دليـلٍ يـفـهـم الــدرب ماشيـه
يـمشــي بـه الـتـايـه بليــلٍ ظلامي
يمـشـي به التـايه ويقـدي مـواطيـه
ويشرب قراح الما ليا صار ظامي
لاشـك هـجـسـي يـوم خلا مماشيه
انــه حــرام ومـنـه زود الاثــامـي
احـرم من الـزقــوم مــره وحـاليه
وشربه على الضامي يزيد الهيامي
وشربه على الضامي يزيد الهيامي
الله مـن قــلـب هـمـومـه تـقــزيـه
تــدك بـه مثـل الـجـراد التـهـامي
تــدك بـه مثـل الـجـراد التـهـامي
مما جـرى قـامت تـتـله مشـاحيه
تل الرشـا من فوق هدفّ المقامي
روابـعٍ قـامـت تـصيــبه وتـخطيـه
شاف الهوايل واختلاف الاسـامي
شاف الهوايل واختلاف الاسـامي
مايسـمع الداعـي ليا قـام يـدعيــه
يعــوم في بحـرٍ من الهـم طـامـي
يعــوم في بحـرٍ من الهـم طـامـي
مـاينـتـبـه للــي بـصوتـه ينـاديــه
يــزيــد هـمـه يــوم كـل يـنـامــي
يشــوف وقــت مـاعـرفنـا تـواليـه
وقتٍ يشيـّب من بـسـن الفـطـامـي
وقتٍ يشيـّب من بـسـن الفـطـامـي
هــذا زمـــان كـاثــراتً بـــلاويـه
الـغـيـم يقـلـب فـيـه عــج وكتـامـي
الـغـيـم يقـلـب فـيـه عــج وكتـامـي
يابعد شـرب الما على كبـد راجيه
ما سيّـل الغبـرا زعـوج الجـهامي
ما سيّـل الغبـرا زعـوج الجـهامي
انبيـك يـامـن كلمـة الحـق ترضيه
اعطـيـك ماينـفعك وافـهم مـرامي
اعطـيـك ماينـفعك وافـهم مـرامي
قـصـرٍ يـذلك لاتـقـابــل مـبـانـيــه
خله عسـى شـامـخ طويله هـدامي
خله عسـى شـامـخ طويله هـدامي
خله عسى ما صاب اغـادير يفنيه
يـودع منـازِلْه الطـويـله رجـامـي
لـوزان مدخـالـه وطـالت حواميه
شيّـد على الخيـبه قليـل الرحامـي
شيّـد على الخيـبه قليـل الرحامـي
وحـيٍ يـوريـك الـمـذلـه وتغـليـه
انـا اشهـد انك ميـت القـلب عامي
انـا اشهـد انك ميـت القـلب عامي
من لايودك ..لا تـوده وتـرجــيـه
ارفـع مقامـك ياعـزيـز الـمقـامـي
ارفـع مقامـك ياعـزيـز الـمقـامـي
ارفـع مقامـك عن عـدوك وتـوذيـه
ويلحقـك من تركـت رفيقك ملامي
ويلحقـك من تركـت رفيقك ملامي
حـق الـرفيـق وواجــبـه لاتخـليــه
يـلزمـك مثـل الـوالـدين الحـشَامـي
يـلزمـك مثـل الـوالـدين الحـشَامـي
اختـر عـزيـز الـجار والحـق تعطيه
شبـلٍ عـلـى هـرجٍ يقـولـه يـحـامـي
شبـلٍ عـلـى هـرجٍ يقـولـه يـحـامـي
مـادك بـه عـرق الـمـذله وطــاريـه
ويسبق على فعل الفضيله الشمـامي
ويسبق على فعل الفضيله الشمـامي
من قارب الاجرب بالامراض يعديه
عــدواه تـسـطى باللـحـم والعظامي
عــدواه تـسـطى باللـحـم والعظامي
درب الـسـلامـه بيـنـاتٍ مـمـاشـيــه
ودرب العطـب يرّث عليك اللكامي
ودرب العطـب يرّث عليك اللكامي
ابـعـد وقـلبـك نـازح البـعـد يشـفيـه
وتلـقـى عن الـدار البغيضه مقامـي
وتلـقـى عن الـدار البغيضه مقامـي
دارٍ بــدار وداعــي الـذل عـاصيـه
ولاتقـبـل الـذلـه نفـوس الـكـرامـي
ولاتقـبـل الـذلـه نفـوس الـكـرامـي
الـذل مـوتٍ ..حـايـمـاتٍ ضـوامـيـه
ادخل على منّزل فـروض الصيامي
ادخل على منّزل فـروض الصيامي
عن مقـعـدٍ بـالـذل عيـنـك تـراعـيـه
الـمـوت عنـد الذل أمـن وسـلامـي
الـمـوت عنـد الذل أمـن وسـلامـي
يـرضى المـذله من تـردت هـقاويه
والـذل يجفـل منـه قـلب العصامي
والـذل يجفـل منـه قـلب العصامي
والعبـد له ربٍ عـن النـاس ..يغنـيه
ولـولاه مـاصاب الهـدف كل رامي
ولـولاه مـاصاب الهـدف كل رامي
محمد الاحمد السديري
ليست هناك تعليقات:
إرسال تعليق