كـريـم يـا بـارق ســــــرى
ما احلى لزيز الرعد فيه
يازين عشبه اليا اخضرى
والبـل تـرعـى مفـاليــــــه
نطيت أنا الحيد الاسمرى
وهيضت أنا عبـرتي فيه
والبـل يازينة الـــــــــذرى
كـم من غـريب توديـــــه
عينت ظبي تحـــــــــدرى
يرعى الزهر مع مثانيه
جيته مع السطـح مادرى
واليا القمـر شارع فيـــه
اليـا لمسته تهصـــــرى
ياخوي ما نيب قاويـــــه
عـليـه ثـويـب مـشـجـرى
جعل أريش العين يبليـه
بطـنـه لبيب ومزعـفــرى
يازين طي الحقب فيـــه
أبـو بـريـم مقصـــــــرى
من فوق الاوراك زاويه
يابـو زميـم مـشـــــــذرى
ومزهيـن وجه راعيــــه
قــم حبـني لاتـعــــــذرى
والعـذر مانـي باغيـــــــه
---------------
ياالله اليـــــوم يارواف
يـا بلافـراج عاونــــي
خوفوني وأنا ماخــاف
وأحسب الضلع يـزبني
هيه يالايم الميلـــــــاف
مـا تشوف الجمل حني
ليت لي بكرةٍ ميلــــاف
واحتـلبها عـن المنـــّـي
الحذايا غدن إرهـــــاف
والحفـا يرعـب الجنــي
يحسبني عمى ماشاف
يتقي بالنخل عنـــــــي
لابس ثوبه الرفــراف
والـردايـف يهبلنـــــــي
---------------
ياطير ياخافق الريــش
بـلـغ سـلامي وثـنـــــه
سلم على أبوعكاريـش
اللـي سلـب عقلي فنـه
أبـو ثنـايـا مراهيــــش
ويــي عـلـى مـزهنــه
وقذيلتـه كنـه الريـــش
ريـحـة زبـاد وخـنـــه
جيته يهل العـكاريـــــش
فـي روشنـن يـدهـلنـــه
صملان قلبي معاطيـش
ومـن الـظـمـا يـبـسـنــه
لـولاه ما كان انا اعيـش
ومـن هـاالحيـاه مااتهنه
ليست هناك تعليقات:
إرسال تعليق