يا زمان العجايب وش بعـد مـا ظهر
كل مـا قلـت هـانـت جـد علـمٍ جديد
إن حـكيـنا نـدمـنـا وإن سـكتـنا قـهـر
بيـن قـلـبٍ عطيـب وبين راس عنيد
لـو تـفيـد المـدامع كان أسيّـل نـهـر
ميـر كثـر التـوجّـد والـدمـع مـا يفيـد
اصبـر ايام واشهـر واتـصبرّ دهـر
وان حصلّ لي مناتي جيت لوني بعيد
ارجي اللـه واراقب كل طـالع شهر
يجلي الـهم عني أو عسى مـا يزيد
يا غـزالٍ فضوح الزّين عنه أشتهر
في عيوني ملاك ووسط قلبي وحيد
مخطي الـلي يشبّـه وجنتك بـالزهر
الزهـر مـا لـه رماحٍ تصيب وتصيد
لـو جحدت المحبة سقم حالي جهر
مير مـا كل قلبٍ يـاصل اللي يريـد
الامير خالد الفيصل
ليست هناك تعليقات:
إرسال تعليق